Izimpawu zokubala kuyehla (Okuluhlaza okwesibhakabhaka-Okuphuzi-Okunsundu)
Lapho zibekwa khona: Ngakwesokunxele sanoma yimuphi umgwaqo.
Inhloso: Ukubonisa ukuthi kukhona indlela yokuphuma cishe emamitheni angama-300, angama-200 nayi-100 phambili.
Okumele kwenziwe: Uma kungenzeka ngena endleleni yokuphuma ngesivinini esifana nesivinini esiphezulu esivunyelwe kulowo mgwaqo.
Umgwaqo ovalekile
Lapho lubekwa khona: Luboniswa ngakwesokunxele sanoma yimuphi umgwaqo.
Inhloso: Ukukwazisa ukuthi umgwaqo ophambili noma umgwaqo ongakwesokunxele noma kwesokudla uyaphela.
Okumele kwenziwe: Ungaphendukeli kulowo mgwaqo ngaphandle uma uya endaweni esemgwaqweni ophelayo.
Ilungelo lokudlula
Lapho lubekwa khona: Kunoma yimuphi umgwaqo.
Inhloso: Ukukwazisa ukuthi unelungelo lokudlula empambanweni ephambili.
Okumele kwenziwe: Ungehlisi isivinini ngokungadingekile, kodwa qinisekisa ukuthi enye ithrafikhi izoyekela.
Paka bese ugibela
Lapho lubekwa khona: Endaweni yokungena endaweni yokupaka.
Inhloso: Ukukwazisa ukuthi kukhona isiteshi sokupaka ugibele esinezinsiza zamabhasi noma zesitimela.
Okumele kwenziwe: Yima kule ndawo yokupaka uma ufuna ukufika endaweni oya kuyo usebenzisa ezinye izinto zokuthutha.
Pass